Pituah

Bundo Kanduang

Katiko payuang alun takambang

Gabak dihulu lah jadi hujan

Cerwang dilangik lah lamo pai

Lah abih pulo umpan dek aia

Iman baganti pangana ilang

Antah dimano jalan kapulang

Nagari rancak marwah kok hilang

Marawa kuyuik dek labek hujan

Manangih bundo di rumah gadang

Oi anak oi, bilo lai kasumbayang

Antah kok mamak salah pituah

Antah kamanakan nan salah tarimo

Iduik baraka mati bariman

Aka panjang iman kok ilang

Suluah bandang dalam nagari

Uirang cadiak dimanyo kini

Ya Allah Tuhan Allahu Rabbi

Agiah pitunjuk anak kamanakan kami

Salamaikkan juo nagari kami

Minangkabau pautan hati

Disabuik sado nan tau

Nan tingga untuak nan santiang

Kok banyak salah jo sumbang

Sabaleh jo kapalo ditakuakan

Ka nan pandai kito baguru

Mamintak kito ka nan Satu

Silahkan kunjungi:

<http://aramiskhan.blogspot.com/2011/06/pituah-rang-gaek.html>